قصة " ياليتني ما احببته "

سهام:غاليةبرة شد بيتك و مد دروسك منى العشاء اذن كان بش تصلي بش تصلي عبير ارقد بكري الليلة غدوة عندك دفوار يا اية دوش لسرة عيش بنتي و انتي يا فرح مدام منيرة حاشتها بيك فرح : هاو ماشية ان شاء الله خير ... فرح: مادم منيرة عيطلي ؟ مدام منيرة : اسمعني عيش بنتي و تعرف الا ميزانيتنا على قدها و القانون هنا يقول الا يوصل الى سن الرشد يخرج و يعمل على روحو اما بطبيعة مش بش نخليوه نعتيوك منحة صغيرة تعاونك اما بينتنا يا دوب تكفيك مكلتك فرح:مدام بربي شمزال عل باك خليني ها 3 شهور ناخوه و نضمن مستقبلي و نمشي على روحي مدام منيرة : باهي عزيزتي اما رني منجمش نزيدك اكثر من 3 شهور ماك تعرف انا المديرة و كل شيئ في وجهي كان جا ليدي ما تخرد نان عروسة اما الفرصة الا خذيتها فما صغار اخرين يحتاجوها فرح : عيشك مادام و الله عمري لا ننسى مزيتك ( مسكينة فاش يستنى فاها) رجعت لبيتي،تكيت عل الفرش و مديت تصويرة امي و بابا سرحت صحيح اسمي فرح اما عمري ما شفت الفرحة في حياتي ! كاش تحبوني نفرح و انا جيت في غلطة تي هو بابامن كثر ما فرح بيا حرق و خالاني و امي المغبونة ماتت و هي تولد فيا حتى لو كان مماتتش راهي انتحرت تي هوما بوها و امها تبراو منها. كيف تولدت قعدت مطيشة في سبيطار جي شهر لين جابوني لهنا، للميتم ماقعدلي من عيلتي كان هالتصويرة و هو ها لميتم هاني خارجا منو رجعت لتالي لطوفولتي لصغري تذكرت كيف كنت صغيرة حياتي لكل محصورة بين ها اربعة حيوط احنا لهنا نقراو كل شيئ في الميتم القانون صعيب و صارم قبل لقرينا لكتيبا قرينا القرآن عديت سنين الروضة نقراو عالدين ،صلاة ،الوضوء ربواووني تربية كان امي يرحمها قعدت ما تربيهاليش ..

حنا المدرسة مبنية في الميتم حتا الكولاج و الليسي قراب في الحومة غير حومتنا منعرش نمشي وسط لبلاد منعرفهاش و يحبوني نخرج وين بش نمشي؟ مخي تحرق اعصابي تلفت تي كيف نوخر درد مالليسي ناكلو البخس عمري لطلعت برا الحومة نضيع بعد حومتي منعرف شيئ حياتي الكل لهنا منعرش الدنيا كيفاش البرا غير الرحلات الا نعملوهم كل عام معتبتش ساقي برا الحومة اهههه كان جات امي حيا اصير فيا هكا ؟ صحيح قايمين معنا بالواجب و اكثر اما بلاصة للميمة ما يخوها حد حسيت روحي وحدي في هدنيا منعرف حد حتى الصحاب معنديش كان مهدي و نادين تي هوما محسوب صحاب بالكلمة مهدي حب حياتي كان يطلب عنيا نعطيهملو اما مهدوشي الغالي حاسبني كي اختو ممكن حتا اقل اصلا معدش نحكيو برشا اصلا معندوش علاش احبني كانو عزين مفماش و كان عجو طول عمري ساكتة طول عمري ساكتة ، و بربي شمعجبو فوحدة بنت حرام ، يتيمة ، لا بو يكبس و لا خو يلم ، قولو لا غالط قولو العباد ما تخممش هكا اما اذيكا الحقيقة و هاذي عقليتنا موش كيف نادين عكسي جملة ماركة دبش و ماكياج و ريق همها الكل طيح لولاد موش فهما اصلا اش محببها فييا تي في طبيعة مبعد هذا على هذا ساعات نحسها متحبنيش عمرها لعبرتني اما ديما تحكيلي على حبها لمهديعلى حبها لمهدي ، اي نعم ركحتو و سعدها اصلا هوما الولاد اذاكا شيحبو الهاملة و اختها و بعد ما ياخو الي حاشتو بية يطيشها على طول ايدو ، و هو شيهمو ! تو تلقى واحد آخر يسترها .. اما كي يحب يرضي الاميمة و يعمل عايلة و بنحي طيش الصغر يولي ايلوج على بنت الحلال الي بش تحنيه ، الي بش تربيلو صغارو ، الي نساء الحومة الكل يحكيو على اخلاقها و تربيتها .. ماغير ما يحسب قداه شوه من سمعة صبيا قداش من طفلة ولاو يعيطولها هاملة بعد ما حطملها حياتها .. هذا هو الراجل التونسي و هذي حقيقة اك الطفل اكلي ولا راجل على مرتو و الي صغارو واخذينو قدوة ليهم ..

#reading #books