حليمة و عمر

من الصغرة تشوف فيه قدامها..كبرت وهو على عينيها..صحيح كانت صغرونة أما كانت تحبو..وتشوف فيه الدنيا متاعها...هو ولد خالها..هي تسكن في ولاية وهو في ولاية أخرى... كان كل صيف يجي يصيف حذاهم ويبحر..يعدي الصيف الكل حذاهم ..أكبر منها بأربعة سنين هو ..زينو مش عادي ..أبيض مصرار ..لحية تهبل..طول مش طويل برشة أما مقبول مواتيه..عينيه واسعين يهبلو..كانت تعشق كل تفصيل فيه ..كانت تتمنى العام الكل يبقى صيف ..باش يبقى ديما قدام عينيها وتملى بيه عينيها..هو كان مش حاسس بيها..خاطر يعتبرها كيف أختو ..ترباو مع بعضهم وكبرو مع بعضهم ..هي تموت عليه اما مش مشلقة ..هو كان ضاربو شوية في روحو وكي يجي في الصيف حذاهم يعديه كلو بحر ومحواس وبنات وتفرهيد وشيخات..يروح لدار كان في الليل.. أمها تموت عليه وحاسبتو كيف ولدها..هي كانت هكا هكا بيه تغسلو حوايجو..تفيقو الصباح ..تحطلو فطورو هي ..متلاهيا بيه مش نرمال...دارهم ما لاحظو شي خاطر عادي في بالهم حاسبتو كيف خوها الكبير..وهي بالعكس تموت عليه...تخيلو كيف تغسلو حوايجو بلعاني تجبد قطعة نظيفة من حايجها وتغسلها وكيف تجي تنشر الحوايج تحط مريولو ومريولها فوق بعضهم في الشريطة ههههه صغرونة اما تحبو بالحق

كانت كل ما الصيف يوفا تبدى تبكي وتغرد بينها وبين روحها...ماتحبوش يروح تحبو ديما قدام عينيها...هذا الكل وحد ماهو حاسس بيها..لين فدت وقالت لازمني نلمحلو أكثر ..لازمو يعرف الي انا نحبو و نموت عليه..إلي متى باش نبقى نحب فيه وحدي.. وفى الصيف وروح هو لدارهو ورجعت هي تقرى...هي مجنونة متع قراية ديما الأولى..شخلاها مش متلاهيا بروحها ههههه ديما شعرها كعكة وطبلية للركبة وسروال مفخفخ وحالة حليلة هههه ..حاصيلو هي السنا باك ولازمها تتلاها بقرايتها وتنحي عمر (ولد خالها إسمو عمر ..وهي حليمة) من مخها.. خاطر ديما تخمم فيه هي..حاصيلو تعدى الشتاء وهي غاطسة في القراية ..جات الصلاعة ولقات وقت للفايس بوك ههه وولات تحل وبعثتلو إنفي ..وبقات تستنى أما هو ماقبلهاش ...هبلت وتنرفزت ..كل ليلة تحل باش تشوفو قبلها ولا وشي مازال ماقبلهاش حتى بعثتلو ميساج ماجاوبهاش...زادت هبلت ..مرة هي قاعدة وتسمع في أمها تحكي في التلفون وتقول عيشلي ولدي عمر رج بالك على روحك...خرحت تجري من بيتها وقالت لأمها أمان امي عديلي عمر نحب نكلمو ...ياخي أمها قالتلها هو علق يابنيتي.. تغششت وقلتلها شبيه كلمك لباس هو !! أمها قلتلها هو يسلم عليك وقلي توحشتكم .. حليمة: كهو ماقال شي آخر !! امها: إي حقى صحة ليه قال مشى يعدي في الصلاعة في روسيا .. حليمة هبلت وعينيها زغلت وهزت روحها ومشات لبيتها وبقات تبكي ..وتقول ..وووه على سعدك ياحليمة هو يتشخلع في روسيا وانت تستنى فيه لهنا باش يقبل الأنفي متاعك !! قداشني بوهالية حاصيلو...

تغششت وقلتلها شبيه كلمك لباس هو !! أمها قلتلها هو يسلم عليك وقلي توحشتكم .. حليمة: كهو ماقال شي آخر !! امها: إي حقى صحة ليه قال مشى يعدي في الصلاعة في روسيا .. حليمة هبلت وعينيها زغلت وهزت روحها ومشات لبيتها وبقات تبكي ..وتقول ..وووه على سعدك ياحليمة هو يتشخلع في روسيا وانت تستنى فيه لهنا باش يقبل الأنفي متاعك !! قداشني بوهالية حاصيلو... عمر سلعة ڨرع متع بنات...بوه لباس عليه وديما مشيخو ويبعثو لبرى يتفرهد وهو موش مخلي من روحو وعايش حياتو طول وعرض...وفات الصلاعة ورجعت حليمة تقرى وروح عمر لتونس ..خاطرو يقرى فاك هو آخر عام السنا يتخرج.

متاعهم ...حلمها هذاكا..مرة راسها وجعها برشة وعينيها ولات دمع وماعادش تنجم تشد روحها وهي واقفة طاحت داخت...سمعت امها الطيحة جاتها تجري..حليمة بنتي شبيك ..حليمة فيق عيش بنتي ..ورشتلها الماء على وجها..فاقت حليمة مفجوعة..اما مازالت دوخة في راسها...كلمت امها بوها وجا هزوها لسبيطار..ماكانتش حاجة grave قلهم الطبيب كثرتلها بالقراية والسهر في الليل...لازمها ترتاح شوية وتنقص على روحها شوي...عطاها دواء وروحو بيها...بقان حليمة 3 ايام في الدار ماتقراش..مرتاحة...عادة كي قلقت حلت الفايس بوك..لقات عمر قبلها ورجعلها ميساج.." أهلا حلومتي الصغرونة ..وينك يافرخة لاباس ..شعاملة في القراية " ..قرات الميساج وضحكت خاطر هو ديما يقلهت كلمة فرخة وهي تعجبها من فمو... رجعتلو ميساج ..قتلو انا هاني غاطسة في القراية ..انت الي شايخ هاك تحوس في روسيا وأومورك ستة زيت !! ودخلت تشوف في تصاورو ..وياليتها مادخلت ..تصاورو كلها بنات وبواتات وسهريات وشطيح وجو ..كل مرة مع طفلة ..الكلهم مزز ..تشوف في التصاور وتغزر لروحها..فرق كبير ..بقات تبكي وتقول شبيني هكا انا ..شبيهم لبنات الي يخرج معاهم عمر خير مني !!! شبيني مانوليش كيفهم انا !!! فماشي مايحي بيا !!! مل الغزول سكرت الفايس بوك وبقات تنوك على سعدها...بكات بكات وبعد قامت وقفت قدام المرايا وتشوف في روحها...هي الصراحة تهبل بالزين ..اما الزين لازمو لهوة باش يبان ..بقات تمس في شعرها ..و تعري في كرشها وتشوف فيها ..وتدور .وبعد طرشقت بالبكا وتكبت رقدت... في الصباح قامت عينيها منفوخين .. لبست حوايجها وهزت روحها وخرجت تقرى من غير مافيقت أمها ومافطرطش...

في الليل حليمة قاعدة هي وأمها وبوها في الصالة ..حليمة بنتهم الوحيدة وعندها خوها اكبر منها اكهو...غزرت حليمة لامهت وقالتلها إيجا أمي نمشيو للبيت حاشتي بيك...قامو الزوز ومشاو للبيت... أمها : شفمة إن شاء الله خير !! حليمة : امي باش ندلل عليك في حاجة !" امها : تدلل ياحبي أحكي !! حليمة :لا تهنى حكاية بسيطة.امي نحب نبدل لون شعري ونقص منو شوي ونعمل حواجبي ونشري سراول جدد كيما موضة إلي يلبسو فيها البنات تو ..ونلبس لونتي ..ونولي نعمل شوية مكياج ونتلاها بروحي ...امي والله فديت نحي في روحي عزري على حالو...البنات الكل تڨادي وتعمل كان انا !! أمها (تضحك): ههه بنتي كبرت وتحب تحني وتسوك ههه حليمة تعرفني طول عمري نحبك تلبس وتزين ..شكون عندي انا طفلة وحدة اما انت بنتي كنت ديما عادي ومايفرقش معاك تزين ولا.. حليمة : هاو توة باش نفيق عاى روحي يالحب ههه موت فيك انا يااحلى ماما..وباست امها بالقوي..وقالتلها باهي حبي أيه كحح الحنينان باش غدوة نمشي نشري حوايج ونمشي للحجامة نريڨل جوي .% امها : تدللل ياروحي غدوة تلقاهم عندك وباستها وخرجت..

من غدوة قامت حليمة وكلمت صاحبتها مريم ..مريم وحدة لهلوبة ولباسة وتفهم غي الموضة و جويست وتحب حليمة برشا..حاصيلو كلمتها وخرجو يشريو في الحوايج...مريم اختارطلها حوايج يهباو و fashion يهبلو ..كملو وتعداو للحجامة عملت حواجبها..اول مرة تڨاديهم ..وقصت وصبغت وجبدت شعرها...واااو حليمة خرجت تقتل ..تبدلت 180 درجة ..زينها ظهر بالڨدا...فرحت حليمة بروحها وعجبها جوها الجديد..روحت لدار ..دخلت ..امها وبوها في الصالة باستهم وهوما حالين فامهم ههههه ماعرفوهاش ههه امها تصلي على النبي وتعاود محلى زين بنتي ربي يسترك ياحبي بو اكا الزين..بوها قالها كبرت الحلوفة ولوات لاهية بروحها ..باستهم حليمة وقلتلهم ربي يخليكم ليا ودخلت لبيتها...من غدوة رجعت حليمة تقرى ..ولات لباسة مش نورمال وفي lycée الاولاد الكل تضربو فيها والبنات يغزلو منها...زين وتربية وقراية ماشاء الله... جاء الباك وغصرت الباك وحليمة على عصابها ..نتيجة الباك بعد نهارين..حليمة باش تموت وهي يدها على قلبها...تحب تجي لولة وتحقق حلمها...ليلة النتيجة حليمة غمظة ماخذاتهاش..مرة تبكي مرة تضحك مرة تقوم تاكل حاجة ..ترجع لبيتها ..تشوف روحها في المراية..تدعي لربي ..لين جا الفجر..حليمة دوبة غمظت عينيها وهزها النوم ..وتسمع كان في الزغاريط ..امها خلات الدنيا بالزغاريط..قامت مفجوعة.. ماهي فاهمة شي ..في بالها تحلم ..هي ككا وامها تدخل عليها للبيت تحمل وتبوس وتبكي من الفرحة وحليمة ولات تبكي وهي باقي ماهي فاهمة شي..دخل بوها فرحان ويضحك وعنق بنتو وقلها نجحت يافلوستي وجيت لولة عل الولاية ..بو زين بنتي ربيت وقريت ولقيت ..وحملوها الزوز وهي باقي تبكي من الفرحة ..وبعد قامت تصيح وتنڨز فوق الفرش وامها وبوها يضحكو...جات العباد تهني وتبارك ..ودار تملى وتفرغ..هو ككا ويجي تاليفون لأم حليمة ..كلمها عمر وهو فرحان ..قالها طاطا راني نجحت وتخرجت الحمد لله..ومبروك لحليمة الباك..قامت امها تزغرط في التاليفون وقاتلو الحمد لله وليدي الفرحة فرحتين...حاصيلو ..تعدا النهار هذاكا وفي الليل هوما في الصالة وقام بوها قلها حليمة بنتي انت نجحت وعمر تخرج ..كلمني خالك وقلي باش نعملو سهرية لعمر في دارهم وفرد مرة باش نعملوها لحليمة زادة..هوكي الفرحة فرحتين..حليمة فرحة من الداخل وعجبتها الفكرة برشة..وقاتلو ..باهي بابا علاش لا فكرة...

حاصيلو من غدوة حظرو رواحهم ومشاو لدار خال حليمة باش يحظرو للسهرية في الليل...دوبا وصلو حليمة تعدات للحجامة باش تريڨل روحها ..وام حليمة دخلت للكوجينة مع ام عمر يحظرو في الماكلة...الدار بدات تتعبى بالعباد..جاو يهنيو ويباركو..حليمة مازالت في الحجامة..عمر مافماش ريحتو.. كل شي حظر وبدات الزازا والغنى والحلو يتفرق عل العباد وبدا الجو..عمر جا..حمل ام حليمة وباسها وقلها توحشتك برشة ياططا ..قتلو حتى اما وليدي مبروك عليك التخرج وان شاء الله نشوفك عروس ..قلها اللطف عليا ططا مالقيت مانعمل في حياتي هههه وضحكو الزوز..قام عمر قلها ويني اكا الفرخة حليمة خلي نباركلها..قتلو امها في الحجامة هاي جايا..قلها آش يخرج العروسة هههه قتلو امها أخطالي بنتي ..كان تشوف كبرت وزيانت ... دخل عمر لبيتو باش يلبس حوايجو..حليمة جات من الحجامة..هي دخلت والناس الكل تغزرلها ..لابسة روبة ajustée في الروج ..روبة فينو وقصيرة ..فوق الركبة..شادة شعرها الفوق وعاملة فيه fourma simple ومزيانة..عاملة الروج في فمها وشوية كحل ومسكارا...تهبل حاصيلو تبارك الله...امها زغرطت عليها وباستها..بدات السهرية تحفل وغناء وشطيح..حليمة مشات لامها قلتلها وينو عمر شبيه لتو ..قلتلها امها عيش بنتي برى عيطلو هوكا مازال يلبس فس حوايجو في بيتو..الناس تستنى فيه طلعت حليمة لبيت عمر ..دقت الباب قلها ادخل..هي دخلت وتشوف فيه قدام المراية يركح في روحو...بقات حالة فمها ..costume في bleu roi تقتل وchemise في blanc وصباط و papillon عسل عسل واكا الشعر أرطب يهبل ...هيا ككا دايخة فيه وهو تلفتلها ...بقا حال فمو..بالحق تصدم ..اول مرة يشوف حليمة ككا ..اول مرة يشوف حليمة مكبوسة في الروبة ومحلاها..اول مرة يشوف شعرها قداش حلو..اول مرة يثبت في بدنا من اصلو...هزها وحطها من صبع ساقيها وراسها..قام يضحك وقلها انت شكون !! هههههه

توحشتك من الصيف الي فات ماشفتكش...قربلها وشدها من يدها ودورها زوز دورات وقلها وين كان مخبي هذا الكل وين..ياخي انت كنت مخبيتو ولا انا كنت أعمى هههه.قتلو حليمة يزيتش من المساطة وهيا العباد يستناو فينا..قلها إيجا هوني اما عباد متاعك خلي نفرح بيك الساعة...سكر الباب ولصقلها وشدها من وسطها ...حليمة ولات ترعش وحدها وتقلو ياعمر شبيك هبلت !!! ابعد عليت شبيك لصقتني !!! يح العباد تستنى فينا...حط صبعو وقلها اششششششش تو لا فمة عباد لا والو..توة فما انا وانت في البيت وحدنا..وانا تو باش نقلك حاجة بنينة ..حليمة تبعد فيه بيدها وتقلو شبيك عملا هبلت !!! هي مازالت باش تحكي وهو يبوسها من ..هي قاومتو من اللول وبعد تفكرت قداش عندها وهي تتمنى انو يصير حاجة بينها وبين عمر..سلمت روحها للبوسة ومشات لدنيا أخرى.. هوما ككا ضايعين ويسمعو كان في صوت ام حليمة تنادي فيهم ...حليمة دزت عمر بعدتو عليها ودخلت بعضها ..عمر رجع قدام المرايا متاعو زعمة زعمة مازال يحظر في روحو..حلت حليمة الباب.. أمها : يابنيتي وينكم الناس تستنى فيكم باش نقصو الڨاطو !! حليمة : ترعش وما تحبش تشلق لامها : اية ماما انا هاني خرجت شوف مع سي الشبيب لتو يزين.. وخرجت تجري لبيت البانو باش أمها ماتشوفش الروج الي تبلبز في شفايفها هههه عمر باس ام حليمة وقلها هيا نهبطو هاني حظرت انا ...هبطو وحليمة ريڨلت الروج متاعها وهبطت..فرحو بيهم الناس الكل..وحليمة ليلة كاملة ماهزيتش عينيها في عمر..ميتة بالحشمة وماهيش عارفة شنية الي صار بكري في البيت..

ملمومين في الصالة وقام عمر قللهم هيا ياكوارث احنا سهريتنا مازالت باش تبدى تو ..غزرت حليمة قتلو سهرية شنوة !!!.قلها متفاهمين باش نمشيو انا وياك وامل و منى وسليم وحنان باش نكملو نسهرو البرى ..قامت امها قلتلهم باهي عيش ولدي ماتبطاوش..ورد بالك على بنتي..قلها عمر تهنى طاطا في عينيا...مشات حليمة بدلت فيسع ولبست شورت قصير وبروتال وشدت شعرها كعكة ولبسة صندال وهبطت ..مشاو الجماعة بالكرهبة ..وعمر وسليمة بكرهبة وحدهم ..خرجو زوو كراهب غنى وصياح وهبلة وجو...غزر عمر لحليمة قلها: والله ماكش نرمال يافرخة هبلتني اليوم وخرجتني من عقلي... حليمة حاشمة وتتبسم : يزي عمر بدل علينا الموضوع ...قلي وين ماشين احنا تو ..! عمر: أسكت على روحك تو تشوف !! وقف عمر الكرهبة وكلم سليم وراه بالكرهبة قلو شو سليم براو انتم للبواتا احنا ماشين لبلاصة اخرى..وماغير ماتخبر دارنا..تو في اخر السهرية نتلاقاو ونروحو زعمة زعمة كنا مع بعضنا...قلو سليم باهي يامعلم ريڨلو جوكم .. هو علق وحليمة قتلو فاش تعمل يامهبول !!! وينهم الجماعة !! واحنا وين ماشين !! عمر : قتلك اسكت !? خدم الكرهبة وطار ببها.. حليمة: عمر أمان فهمني احنا وين ماشين !" عمر: باش نهزك لبلاصة تنسى فيها روحك !! حليمة: هههه ياخرية ملا مهبول هذا !! عمر: اصبر اصبر ياحبيبي تو تشوف الهبال بالرسمي ..مازلت ماشفت شي...باش تشوف حاجات لاعلمهملك المات متاعك ولا الفيزيك ولا التربية المدنية هههه حاجات مافيهمش تربية أصل هههه وشايخ عليها ضحك

ليمة: يح باني ياعمر هبلت انت بالحق !!! عمر: اسكت هاي وزيد في الغناء زادو الغناء بالقوي وصياح وجو وعمر يجري بالكرهبة وشايخ..وصلو قلها اية اهبط...غزرت حليمة من وقتلو هو جبل هذا وين باش نهبط !! عمر: تي اهبط واسكت !! هبطت حليمة ..شدها عمر من يدها وبداو يمشيو..بلاصة في الجبل مافيها شي..حليمة خافت وقتلو انا ماعادش زايدة فيها خطوة قلي وين ماشين.. عمر: اسكت مانا وصلنا.. دخلو لبلاصة كلها ضوء هادي علخر وجردة تهبل ونوار ونسمة تهبل...فمة زوز garde corps واقفين ..سلم عليهم عمر وقلهم شنية بدا الجو الداخل..قالولو اي من بكري شبيك مخر اليوم... حاصيلو حليمة ماهي فاهمة شي وتبع في عمر وساكتة دخلو الفيلا تهبل ..بيسين وغناء عل الكيف وبنات وولاد يشطحو...ناس class علخر ..كلهم مهبلة..هوما داخلين والبنات الكل يسلمو عل عمر..ظاهرة بلاصتو متع العادة ديما يجيها ومعروف غادي..حاصيلو مشاو قعد هو وياها في طاولة حذا البيسين وهبطو jus وجو متاع السهرية...وغزر عمر لحليمة وقلها عمر: شو فرختي الليلة نحبك تهبل معايا..باش نعملو برشة جو وبرشة هبلة .. حليمة: عمر تعرفني حشامة والجو هذا مش متاعي عمر: حلومة تاتستانس وزيد هاك معايا ماتخافش زادو شوي وقام عمر شد حليمة من يدها وبداو يشطحو ..ضوء خفيف وموسيقى هادية وكل واحد لاهي بصاحبتو ..حد ماهو لاهي بحد..

عمر يدو و حليمةيشطحو بالشوية..حليمة حاشمة وتتبسم وبرى... عمر: حلومتي نحي الحشمة امانك.. حليمة: ههه باهي يامهبول عمر : ايا نعاودوها !! حليمة: طبست راسها وقتلو شنية الي نعاودوها يامهبول !! عمر: البوسة يافرخة !? حليمة: دكت راسها في صدرو وضربتو ضربة خفيفة ?? عمر: عيشو هو الحشام هههه وهزلها راسها بالشوية حط خشمو على خشمها وبااااسها ..حد ماهو لاهي بيهم..كل حد لاهي في نوارو.. حليمة ماحبتش تحرم روحها من انها تعيش اللحظة ... عداوها ليلة كلها رومنسية وحب ..عمر ماهو فاهم شي وحليمة ضايعة فيها جملة..ماهمش فاهمين الحكاية كيفاه صارت من أصلو..... عمر: فرختي ..محلاه الليل معاك حليمة: عمر انا ماني فاهمة شي..وراس ميمتي ضاهرلي نحلم عمر: لا ماكش تحلم..حاجة أقوى مني ومنك..حاجة فيسع جاتنا وكانت حلوة برشة.. حليمة عنقتو بالقوي وباستو عمر: هههههه هاو طارت الحشمة تو ههههه مهبولة محلاك كملو سهرية كلها رومنسية وخرجو ماشين للكرهبة...عمر جاها من تالي وحملها ..حليمة تصيح عمر هبطني باش نطيح راني هبطني ههه..وهو يجري بيها ويقلها لا مانيش مهبطك..وثل بيها للكرهبة وهو محملها..

حليمة: عمر امان هيا نروحو ماعادش بكري عمر: لحظة بركة حلومتي ..نزيد نشبع منك طلعو في الكرهبة وكلمو الجماعة لخرين باش يتلاقاو ويروحو مع بعضهم..عمر يسوق وحليمة سارحة عمر: حلومتي شبيك. حليمة: لاشي ..ماني فاهمة شي ملي عملناه عمر: تي يزي بربي ماني قتلك حاجة اقوى مني ومنك.. روحو للدار..لقاو الجماعة الكل راقدين..كل واحد دخل رقد في بيت ..عمر ترمى فوق فرشو وبجنبو سليم... سليم: ياحلوف شبيك بدلت programme في أخر لقطة !! عمر: أسكت هاي ..هذه حاجات قوية على مخك صاحبي ..ورمى عليه المخدة سليم: أي أي صحبوش شي كبير ياعمري هههه..اما بصراحة شبينا مافيبالناش الي فمة حكاية بينك وبين حليمة !! عمر: اصلا الحكاية بدات اليوم !! سليم: اليوم !!!!! تحكي بجدك !!! ملة مهبلة !! عمر : اية ارقد ارقد راني ميت بالتعب..والصباح رباح.. جا الصباح ..قامو الناس الكل..قامت حليمة..مشات للبانو حلت الباب وهي دايخة بالنوم ..وتتلفت تلقى عمر يقفل في سروالو هههههه ملى حشمة..هز هو راسو وضحك ..غسل يدو ومشالها..لصقها وهزلها شعرها من على عينيها وقلها عمر: ماعلموكش دق الباب قبل ماتدخل يافرخة !! حليمة: تمسلو في لحيتو بشوية وقتلو ..وانا مازلت باش نتفكر حاجة من بعد الي عشتو البارح !! عمر..كبس على وسطها وقربلها وباسها من عينيها..حليمة عنقتو بالقوي .. حليمة: والله هبلتني ومش عارفة فاش قاعدين نعملو !! عمر: ماني قتلك ماك العام خليها ككا ..وباسهاوقلها هيا هاني خارج نتلاقاو في الفطور.. فطرو الناس الكل مع بعضهم ..سليم يدكك على عمر من تحت لتحت ومنى تهمز في حليمة باش تحكيلها شنية الي صار البارح ..والكبار يحكيو وماهمش هنا ..قامت بو حليمة قال ياجماعة بارك الله فيكم عدينا البارح سهرية حلوة برشة وفرحنا باولادنا وتهنينا عليهم..احنا لازمنا نروحو تو لدارنا ..قام بو عمر قلو زيدو حذانا نهيرين ..!! قلو بو حليمة والله كهو لازمنا نروحو..غدوة عدنا خدمة ..وغزر لحليمة وقلها هيا عيش بنتي حظر روحك انت وامك خلي نروحو...قام عمر قلو عمي خليها حليمة تزيد تبقى ..انتم باش تروحو تخدمو انت وطاطا وحليمة باش تشد الدار تو تقلق !! خليها تتفرهد حذانا شوي !! قام بو عمر قلو والله فكرة خليوها حذانا حليمة كيف بنتي هذيكا..وافق بو حليمة وقلهم باهي ماعندي حتى مشكل كيف داري كيف داركم ..خليها تتفرهد حليمة ساكتة اما باش طير من الفرحة من الداخل..سليم يهمز في عمر من تحت لتحت ومنى شادة روحها بالسيف من الضحك.. حليمة سلمت على امها وبوها وقلتلهم تا نعدي ايامات ونجي ..تعرفوني مانصبرش عليكم ..وباستهم وركبو في الكرهبة وروحو..دار عمر فرغت روحو الكل بقى كان عمر وحليمة وامو وابوه.. ام عمر: حليمة بنتي هاوكا الدار واسعة وعريضة اختار البيت الي تحب تبقى فيها ..

حليمة: عيشك طاطا ربي يخليك ام عمر: راك بنتي الغالية. عمر: شو امي شوفلها بيت حذا التوالات ..خاطرها مازالت تبول تحتها في الليل .... حليمة : امان ههه يزي بلا مساطة بوك يسمع ام عمر: زايد حتى تخرجت وانت منطقك باقي عادم... عمر: شبيكم شعلتو فيا .مانفدلكوش !! ههههو ام عمر: باهي برى هز حليمة تختار بيت تبقى فيها !" عمر: غزر لحليمة ..اية يابوالة نوريك بيتك هههه طلعو الفوق باش تختار حليمة بيت تبات فيها..هوما في الدروج وحليمة تشد عمر تعضو بالقوي..هههه صاح بالشوي وقلها يابوالة هههه وهرب يجري وهي تجري وراه كيف الفروخ..شدها وكبس عليها عمر: حلومتي ههه مهبولة باش تاخو البيت الي حذا بيتي انا بالظبط ..باش كي نتوحشك نڨز نجي حذاك حليمة: ههه إي تا تعيا وانت تقبظ عمر: تاو نشوفو ملا تشد عليا روحك ولا حليمة دزتو : هيا بركة سيبني نمشي نحظر البيت.. حاصيلو خذات البيت الي بجنب عمر بالظبت وريڨلتها وحطت فيها دبشها ..الي بعثتهملها امها دوبا ماروحت...هي ككا والباب دق..دخلت ام عمر حليمة عجبتك البيت ياعزيزتي !! حليمة: اي طاطا حلوة يخليك ام عمر: باهي انا تو خارجة انا وعمك صادق عدنا عرس ولد صديقنا..كان تحب هيا البس وامشي معانا.. حليمة: سامحني طاطا اما راني تاعبة من ليلة البارح ام عمر: باهي بنتي مايسالش ارتاك ..حتى عمر رقد ..هيا هوكة كل شي حاظر في الكوجينة ..كي تجوع برى كول عيش بنتي ماتحشمش راك في داركم حليمة : عيشك طاطا كملت حليمة ركحت روحها..وبدلت حوايجها لبست شورت أبيض وبروتال وشلاكة شعرها كعكة وهبطت لوطا ..حست روحها جاعت..دخلت للكوجينة وحطت الماكلة فوق الطاولة وبدات تاكل ..من كثر ماهي جيعانة نسات عمر من اصلو هههههه هي قاعدة تاكل وتدلوح في ساقيها وعمر يحملها من تالي ويبوسها ..سليمة شرقت مسكينة ههه رصاتلو يشرب فيها في الماء ويضحك عليها وهي تضرب فيه

عمر: شبيك عزاك ياسر فينو ههههه حليمة: شو اكا المنطق متاك ههه خسارت القراية الي قريتها عمر: باهي اخطانا تو...امي ويني ...ي شفتهاش !" حليمة: مشات هي وعم صادق للعرس ولد صاحبهم عمر: مستحيل !! تفدلك !! حليمة: علاه شفمة !! عمر: تحب تقول الي انا وياك تو وحدنا في الدار !!? هههههه دي ليلتك يا حلومة حليمة: هههه اي اي زيد احلم انت عمر: اي هات ناكل معاك ..لازمني قوي الليلة وجوي احلى جو..نمشي نعمللها مغرفة عسل ومغرفة بسيسة وحفالي من هنا لين تروح بابا وامي ههوو حليمة: عمر ياخرية يزي بلا مساطة عمر: وراس اكا الشورط الي لابستو حليمة رمات عليه مغرفة هههه كملو كلاو ونظفو الكوجينة ومشاو للصالة عمر: حلومتي هيا هو باش نحطلك فيلم نركشو عليه حليمة: باهي جو عمر: فيلم رعب راهو...انا هذاكا جوي .. حليمة: اي عادي حط عمر: تمشيش تولي تبكيلي بعد وتبول في شورطيك هههه حليمة: زايد بليبيد حط عمر الفيلم وجابت حليمة فاكية وجو من الكوجينة باش يعديو بيهم السهرية عمر تكى في بلاصة وستنى حليمة باش تبقى حذاه ..ياخي هي جبدت بيه ومشات تكات مقابلتو.. عمر: باهي حلومتي اعمل الي يظهرلك ..ابقى غادي وبعد كان تقلي عمر نجي نتكى حذاك الا مانقلك لا... حليمة: لا تهنى مانقلكش نجي هذاك عمر: تو نشوفو آه بوالة حليمة رمات عليه مخدة

تخوف تتهز وتتحط في بلاصتها وعمر يشيخ عليها ضحك ويقلها عمر: يزي بلا هزان ونفضان وايجا عندي حليمة: لا قتلك لا..خفت شوية وبرى هههه عمر: باهي على كيفك ..اما راني عارفك باش تجي وحدك وحدك الفيلم بدا يخوف اكثر وحليمة ماعادش تنجم تشد روحها...غزرت لعمر يلقاه يغزرلها عمر: يامهبولة إيجا عندي تو ماعادش تخاف حليمة ماصدقت قلها ككا تحري تتدك تحتو ..هو شايخ عليها ضحك..هز اللحفة وغطاها بحنبو وبقى يلعبلها بشعرها عمر: هيا هيا وجيت عندي يامهبولة ... حليمة: مدفاااك عمر عمر: كان تشوف انت مبنك فيلم كامل..كل لحظة متع رعب حليمة تحمل عمر بالقوي وهو يشيخ عليها ضحك...وغى الفيلم ..طفى عمر التلفزة..ظلامت الدنيا.. دار لحليمة وقلها عمر: مانعملو شي !! حليمة: دكت راسها في صدرو وقتلو نحب نرقد انا عمر قام نحى مريولو وبقى في شورط كهو..قلها

عمر: مافماش نوم حلومتي لين يروحو بابا وامي عمر زاد لصق حليمة وغطاها باللحفة..حليمة مست بدنو وهو عريان..ماعادش تنجم...عمر بدن مش عادي مرسوم بالريشة...عمر حملها وبدى يبوس فيها بالسياسة وحليمة في دنبا اخرى بدى يبوس .عمر هبل وبدى ينحي في مريول حليمة ...ياخي هي نڨزت وقامت وقتلو عمر يزي أمان..وطلعت تجري لبيتها وسكرت على روحها الباب...وبقى عمر في التسلل هههه طلعت حليمة لبيتها وسكرت الباب ..وقام عمر لم الدنيا باش بوه وامو مايفيقو بشي وطلع الفوق..دق الباب على حليمة عمر: حليمة..حليمة..حليمة نكلم فيك ..حل الباب..حلومتي حل الباب باش نحكي معاك لحظة كهو..حليمة امان حل الباب...حليمة وحليمة تسمع فيه وماجاوبتوش.. عمر: باهي انا هاني باش نمشي نرقد ..غدوة الصباح نحكيو.. مشى عمر رقد وحليمة ولات تبكي..علاش تبكي حليمة !! خاطرها ماهي فاهمة شي ملي قاعد يصير..حليمة الي كان مخها كان في القراية ..حليمة العاقلة..حليمة الي عمرها ماعملت حاجة مع ولد في حياتها ولات تبوس وتعنق وطيحت الحيط بينها وبين عمر ..ولد خالها !!!! حليمة خانت ثيقة امها وبوها فيها..حليمة خانت ثيقة خالها ومرت خالها الي حاسبينها كيما بنتهم ..بففففف حكات هذا الكل مع روحها ورجعت تبكي وتغرد... لين هزها النوم

روح بو عمر وامو من العرس..دخلو الدار رايضة ..مافمة شي ام عمر: الاولاد رقدو حسهم مافماش بو عمر: اكيد رقدو مخر توة.. ام عمر: باهي صادق انا هاني طالعة نتفقدهم بو عمر: باهي هاني ماشي نرقد انا.. طلعت ام عمر دخلت لبيت حليمة ..لقاتها راقدى عريانة..جابت لحفة وغطاتها وباستها وخرجت ..دخلت لبيت عمر باستو وخرجت.. في الصباح تقوم حليمة من النوم وراسها يوجع من البكاء متع البارح..بقات شوية في فرشها وقامت ..هبطت اللوطة دخلت لبيت البانو ..خرجت مشات للكوجينة لقات الفطور حاظر ...فطرت ..قامت عملت دورة في الدار مافمة حد..هي ككا والتلفون نوقز. حليمة: ألو .. ام عمر: صباح الفل حليمة بنتي حليمة: بونجورر طاطا ام عمر: عيش بنتي انا وعمك الصادق هانا في الخدمة باش نروحو مخر اليوم..هوكا الفطور حاظر..عمر خليتو راقد..نعرش عليه اش باش يعمل..انت كان تحب هوكة مفتاح كرهبة عمر في بيتو برى هزو واخرج تفرهد اعمل دورة.. حليمة: باهي طاطا ربي يخليك لينا ام عمر: راك بنتي الي ماجابتهاش كرشي علقت حليمة ومشات لبتها لبست سروال دجين محزوق وchemise في blanc وسندال في blanc وعملت شعرها ب plaque ومكياج خفيف وهزت ساكها ومشات لبيت عمر...حلت الباب بالشوية باش ماتفيقوش ويكبش فيها ...بدات تمشي على طراطش صوابعها...وثلت حذاه للسرير..في عوض تهز المفتاح وتمشي بقات تثبت في وهو راقد..لابس كان شورت..من الفوق عريان..شعرو أرطب وداخل بعضو...بدنو غير عادي ..بقات تغزو وحبت تمسو من صدرو بالشوي..بدات تمشي في طوابعها علي صدرو وكرشو بالشوية ويديها بكلها ترعش...هي ككا وعمر يخطفها من يدها ويجبدها ليه...أوبااااا تلقى روحها تحتو ..

هي ولات تتنفس بالقوي وترعش.. عمرملا البارح هربت مني !! حليمة:( تحاول دزو من فوقها ومانجمتش ..خاطرو رزين وبدن تبار الله) عمر قوم من فوقي عيشك قطعت عليها الهواء عمر(يبعد في شعرها على عينيها) وكيفاه ماتحليش الباب البارح وخليتني في التسلل !! حليمة: عمر براس أمك قوم من فوقي ماعادش نجم عمر: أكيد ماعادش تنجم..قتلك ماك العام راك ماتنجمش تشد روحك قدامي... حليمة زادت تتنفس بالقوي... عمر: هاوكا ماحبيتش نبلبزلك الحمير متاعك ..قول عمر خايب عادة...وفام من فوقها قامت حليمة من فوق الفرش وضربتو على صدرو عمر: آي آي ..هكا تضربني على قلبي !! لايزي معذبتو لايزي تزيد تضربو !! يهون عليك هو !! حليمة : أي يهون . عمر لصقها للحيط ولصقلها بالقوي عمر: يهون ولا مايهونش !! حليمة : عمر امانك ابعدني عمر: قلي الساعة يهون ولا مايهونش !! حليمة : يهون أييه .. وخرجتلو لسانها عمر: هههههه مجنونة..وكبسلها على وسطها ..قلي تو يهون ولا !! حليمة: سيب عمر تعرفني مانحملش في وسطي ?! ههههه سيب دغدغني ككا عمر: يهون ولا !! حليمة : لا لا مايهونش مايهونش ..سيبني بركة باسها عمر من رقبتها وسيبها. حليمة: باهي هاني باس تهز مفتاخ كرهبتك.. عمر: وين ماشية !! حليمة: باش نعمل دورة عمر: بربي !! تمشي تعنل دورة وحدك !! عزري إنت معناها !! وانا طرطور قاعد في الدار !! حليمة: باهي مش لازم ..طيرتهالي الخرجة عمر: إيحا عندي .. حليمة هزتو وحطتو وخرجت مشات لبيتها..هي جات باش تسكر الباب وعمر عرضلها بساقه ودخل وراها حليمة: شنية تو شتحب من عندي !! عمر: نحبك انت ...

سكتت حليمة وطبست راسها ومشات قعدت فوق فرشها..جا عمر بقى بجنبها.. الزوز ساكتين ويغزرو للقاعة عمر: حليمة نحبك حليمة: عمر انا خايفة عمر شدلها يدها وقلها عمر: حلومتي ماتخاف من شي مادام انا معاك.. اي حبي قوم حليمة: وين !! عمر: نش قلت تحب تعمل دورة !! حليمة: أي .. عمر: باش نهزك نعديو نهار كل مع بعضنا جو حليمة: ياااا جوو..انا هاني لابسة برى انت حظر روحك فيسع عمر: اي فيبالي بيك لابسة للا ...مش خاطر معمتلكش ملاحظة معناها ماركزت معاك..ا.تي حتى شلاغمك هاك ڨاديتهم جدد. هههههه حليمة: يعطك هدة إن شاء الله مايفوتك شي ..أخرح عليا هههه وضربتو بالمخدة عمر: هههه باهي هاني خارج مشى عمر حظر روحو وهبطت حليمة اللوطة تستنى فيه هبط عمر وخرجو ركبو في الكرهبة..مشاو فطرو وبعد عملو قهوة وشاعو ضحك..برشة لعب ..برشة جو..برشة حب...ه عملو نهار تحفون علخر... حليمة:عمر هيا حبي نروحو..طاطا وعم صادق عدك بيهم روحو لدار ..مانحبهم يفيقو بحاجولا يعملولي ملاحظة عمر: باهي حبي هيا.. روحو للدار..دخل عمر لبيتو..حليمة لبيتها...حليمة نحات الأكسسوارات الي لابستهم ونحات والمجنون يدخل عليها . حليمة: عمر فاش تعمل ..يح باني أخرح أخرج بوك وامك عدك بيهم جاو عمر: حلومتي محلاك اليوم ومحلاها الهبلة معاك ومحلاها الدنيا معاك... حليمة ساكتة ..ماهي فاهمة شي. عمر حط يدو في ظهرها ...نڨزت جات واقفة حليمة: عمر أخرج امانك اخرج عمر: حلومتي شبيك هدي روحك وقربلها حليمة دزتو: عمر قتلك اخرج اخرج تو عمر: باهي باهي هاني خارج خرج عمر وحليمة سكرت الباب وراه... بدلت حليمة حوايجها ورقدت..عمر هز روحو وخرج...جات 8 متع الليل روحت أم عمر وبوه..حليمة في سابع نومة ..تعبة اليوم بالهيجة والكلب مع عمر..تفيق حليمة على دقان الباب.. حليمة: شكون !! أم عمر: أنا طاطاك مفيدة حل الباب عيش بنتي حليمة: أيا طاطا لحظة قامت حليمة حلتلها الباب مفيدة: شبيها بنتي لراقدة .. حليمة: تاعبة شوي طاطا..اليوم خرجت انا وعمر روحنا تاعبين مفيدة: صحة ليكم الفايدة عملتو جو..إي وينو هو تو !! حليمة: فيبالي بيه في بيتو نعرش !! مفيدة: لا مشيت لبيتو..ماهوش في الدار أصلا...ندورو خرج يعمل في قهوة..أي بنتي انا هاني هابطة..بدل حوايجك وإيجا نتعشاو هاني جبت معايا عشاء من البرى..

حليمة: خاظر طاطا دقيقة ونجيك خرجت ام عمر...وحليمة هزت تلفونها وطلبت عمر..مايهزش ..عاودت طلبتو ماهزش..رمات التلفون فوق الفرش وهبطت اللوطة دخلت للكوجينة لقات ام عمر وبوه يستناو فيها بو عمر: هاي جات بنتي المزيانة.. حليمة: ضحكت ومشات باستو بو عمر: وينك بنتي لاباس..شعملت اليوم حليمة: هاني خالي خرجت انا وعمر عملنا دورة بو عمر : هيا باهي ام عمر: هيا ابداو بسملة ام عمر: حليمة بنتي هيا امشي انت وخلك الصادق للبيت القعاد ..هاني باش نلم الكوجينة ونجيو نسهرو.. حليمة: باهي طاطا مشاو يسهرو في الصالة...تعدات ساعة وثنين وتلاثة وعمر لتو لاجا..حليمة تغزل من داخل وتقول راو يسهر مع لبنات..راو رجع لصنعتو كل العادة...جات نص الليل وعمر مازال ماجاش.. ام عمر: حليمة بنتي انا ماشية نرقد غدوة نخدم بكري بو عمر: حتى انا هاني ماشي حليمة: اي ليلتكم زينة ملا انا هاني مازلت ساهرة ام عمر: على خير بنتي بو عمر: عيش بنتي على خير.. بقات حليمة تغزل وحدها..طلعت مدت تلفونها وهبطت للصالة...تطلب في عمر مايهزش زادت هبلت ..

جات 2 متع الصباح وعمر ماجاش...قامت حليمة سكرت التلفزة وطلعت لبيتها...غمت على راسها ورقدت..روح عمر لدار ..سكران يطايح عل اليمين وعل اليسار..طلع الفوق في عوض يدخل لبيتو ..دخل لبيت حليمة...مشا طول للفرش وترمى ماهو فايق بشي...تقوم حليمة مفجوعة في حالة... حليمة : عمر شبيك هوني !! فاش تعمل قوم برى لبيتك !! هي طبست باش تقومو وريحة الشراب صطعتها في مخها طول حليمة: بففففففف وسكران زادة..إفف منتن ريحتك..قومعمر قوم امشي لبيتك وماعادش تحكي معايا جملة.. عمر ماحبش يفيقلها...دايخ ماهوش واعي..حليمة حبت تحملو وتهزو لبيتو مانجموش رزين عليها...هبطت للكوجينة جابت دبوزة ماء ..هبطتو من فوق الفرش ..وصبط عليه دبوزة الماء...فاق عمر مفجوع ... حليمة: ايا باهي كي فقت سي الشباب..مروح سكران ميت..وزيد داخلي لبيت عمر: باهي باهي نقص من حسك لا امي ولا بابا يفيقو...هاني ماشي نمرقد ... خرج عمر مشى لبتو وحليمة سكرت الباب ..ورقدت.. في الصباح قامو الناس الكل فطرو مع بعضهم ... ام عمر: حليمة بنتي كلم امك راهي توحشتك حليمة: باهي طاطا تا نكلمها كملو فطرو..مشات ام عمر وبوه للخدمة...بقات حليمة وعمر على الطاولة كل واحد يستنى في لاخر باش يتكلم هو لول... حليمة كل العادة مانجمتش تشد روحها.. حليمة: صحيتك سي الشباب عمر: شبيك !! حليمة: البارح مروح سكران ميت وتقلي شبيك عمر: كلو منك .. حليمة: مني انا !! بربي !! انا قتلك برى إهمل واسكر وروح عقاب الليل.. !! عمر: انت هبلتني بحبك ببدنك بهبالك بضحكتك ..بلبستك..بغزرتك..بعينيك..بكل شي فيك... حليمة: برى برى يزي بلا هبال متاعك ...عملتك ماعندهاش حتى مبرر..يامن وراني البنات الي سهرت معاهم البارح.. حليمة عينيها دمعت وطبست راسها تبكي..عمر قام وجاها ..هبط على ركايبو وشدها من يدها وهزلها راسها .. عمر: حلومتي ماتبكيش..وراسك انت والله العظيم..لامسيت طفلة ولادرت ببنية..أصلا قلبي مايعطينيش ..بدني ماعادش يمس وحدة غيرك...انت هبلتني..عينيا ماعادش تشوف غيرك..تتقص يدي قبل مانحطها على وحدة غيرك..حليمة انا تبت على يديك..انت متاعي وانا متاعك وحدك...

حليمة تغزرلو وتبكي.. حليمة: نحبك عمر ..نحبك ونموت فيك...ملي انا صغيرة روحي وعقلي فيك..انت كنت ماكش معبرني وماكش فايق بيا وبحبي ليك...اما انا كنت نذوب كي نشوفك ..كبرت وكبر حبي معاك..كنت نعمل في حاجات تضحك...كنت نغسلك حوايجك ونبدى نمس فيهم تقولش عليا نمس فيك انت...كنت هكا هكا بيك..الفايدة انت تتلفتلي حتى بغزرة.. عمر: نموت فيك ياروح عمر ياقلب عمر ياحياة عمر ياعينين عمر ياالنفس متع عمر...وحملها بالقوي... حليمة: عمر ايا خليني نكلم امي راني توحشتها.. عمر: باهي حبيبي برى كلمها.. حليمة: ألو ماما .. أمها: حبيييي توحشتك يابنيتي وينك...لقيت الجو غادي نسيتنا !! حليمة: ههه هكا تو ياحبي !! وهو انت تتنسى !! أمها: عيشلي بنتي..هيا وقداه نجيو نروحو بيك !! الدار توحش من غيرك وزيد خوك ملي سافر بقيت انا وبوك نبومو وحدنا.. حليمة : ايجاو وقتلي تحبو ياماما. أمها: باهي تا قبل مانجي نكلمك...أية سلملي علي خالك ثادق وطاطاك مفيدة حليمة: يبلغ.. علقت حليمة وعمر جا حملها من تالي.. عمر: حبيبي بالحق باش تروح !! وأنا شكون بيا !! مع شكون باش نلعب أنا !! وشكون باش يعاركني وقلي إففف منتن ريحتك !! وشكون باش يحملني انا !! ومع شكون باش نعدي نهاري انا !! حليمة : حبيبي ماتفكرنيش..حتى أنا أكا حدي أما الله غالب لازمني نروح..قداه باش نبقى أنا هنا ?!! عمر دورها ليه : حلومتي تمشيش تنساني عادة !! حليمة: هكا بايبي .!! ننسى حب حياتي انا !! وزيد أكيد تا تجي حذانا للدار كيما كل صيف عمر: إن شاء الله حبيبي.. عمر وهو يلعبلها بشعرها : حبيبي حليمة: نعم عمر: نحب نقلك حاجة.. حليمة: قهل حبيبي عمر : أما نخاف لاتضربني وتقلي لا حليمة: تي بركة شبيك !! عمر: نحب نعمل دوش !! حليمة: هههه إي حبيبي برى دوش شنوة شدك.. !! عمر: أما شاهي حاجة أخرى زادة !! حليمة: شنية !! ماتقليش نحكلك ظهرك ههه !! عمر: حبيبي نحبك دوش معايا... حليمة: بااز تفدلك عمر .. عمر : شهوة ياحبيببي حليمة: إحساي شنوة عمر ..!!! يزي بلا هبالك.. عمر: لا لا فهمتني بالغالط...ماتخافش..مانيش باش نعملك شي حليمة: لا عمر لا...حاجة عمري لاعملتها هذه.. عمر: إي نعرف.وقتلك ماتخافش وراس حبي راك في عينيا... حليمة سكتت.....يعن بو الحب وجد بو الحب.. حليمة وافقت...

عمر: بو زينو حبي انا هو الي مايقليش لا...هيا حبيبي انا نمشي نحظر الدوش وانت أخلط.. قام عمر طاير بالفرحة...مس شى حظر الدوش فيسع فيسع...شمع وورد وجو رمنسي علخر....دخلت لقات الدنيا الكل شمع و ورد ..عمر في البانو يستنى فيها...حليمة دخلت وسكرت الباب...قلبها يدق في الألف...مافيش فاهمة فاش قاعدة تعمل. عمر قام يضحك عليها..وقربلها..حليمة مازالت مغمظة عينيها.. عمر وهو يوشوشلها في وذنيها : حبي الحشام هو ... حليمة وهي ترعش بكلها..... عمر: حبي حل عينيك .. حلت حليمة عينيها... عمر قاعد وحليمة قدامو ..يغسللها في شعرها بالشموان..يسايس فيها أكثر من عينيه..تشوفهم تقول بو يغسل لبنتو bébé.. عمر فرحان علخر وحليمة عايشة اللحظة... حليمة: أي آي دخلتلي الشمبوان في عيني!! عمر: سملة ياربي سملة على حبي..تره دورلي نشوف.. دارت حليمة..غسللها عمر عينيها وبعد باسهملها.. عمر : حبي هو سافا حل عينيك تو.. حليمة حلت عينيها ... عمر: محلاك حبيبي ..نموت فيك انا...وقتاه تولي حلالي..حليمة تتبسم وساكتة.وكملو البانو... مشاو لبسو حوايجهم وهبطو ياكلو..عمر: حبيبي أحلى إحساس حسيتو اليوم معاك حليمة: حتى انا حبيبي اول مرة نحس هكا معاك.. عمر: ربي يخليك ليا ياكبيدة نموت فيك انا...إيجا عندي إيجا.. ...عمر ياكل ويوكل فيها بيديه...ياكلو ويضخكو كيف زوز عصيفرات..برشة حب وبرشة بوس وبرشة دفاء ..كملو كلاو..هوما يلمو في الطاولة والتلفون نوقز... عمر مشى هز على التلفون...ألو !! أم حليمة: عمر ولدي وينك شنحوالك. ام حليمة: هاني حمد لله عيش ولدي ..ويني حليمة.. عمر: أية لحظة طاطا تا ناديلها ام حليمة: باهي عيش ولدي

مر: حليمة إيجا أمك في التلفون... حليمة: ماما وينك ياحبي .. ام حليمة: هاني بنتي ..توحشتك..هاني باش نجي أنا وبوك نروحو بيك الليلة حليمة: باةي ماما تجيو في أمان الله إن شاء الله.. علقت حليمة والدمعة في عينيها .. عمر: شبي حبي !! شقتلك طاطا !! حليمة: قتلي باش تجي هي وبابا الليلة يروحو بيا !! عمر حملها بالقوي وعينو زغللت بالدموع.. عمر: إيجا حبيبي نحطو فيلم نتفرجو فيه ..مازالو ساعتين باش يجيو بابا وامي.. حليمة: باهي هيا.. عمر: سيب الفيلم وغزر لحليمة في عينيها..حبيبي !! حليمة: نعم حبيبي عمر: نحبك أنا برشة حليمة: نموت فيك أنا ياروحي.. وباسها من جبينها.. وفا الفيلم ..قامو لمو الدنيا..وقعدو في الصالة يستناو في الجماعة يروحو.. هوما ككا وبو عمر وامو دخلو.. ام عمر: عسلامة ..وينهم عصيفراتي هوما.. بو عمر: ايا وينكم شعاملين عمر: هانا نستناو فيكم حليمة: خالي..طاطا.راو أمي كلمتني وقاتلي جايين الليلة باش يروحو بيا.. ام عمر: إي بنتي في بالي كلمتني..والله ستانستى بيك وباش نتوحشوك.. حليمة: حتى انا ستانست بيكم طاطا.. هوما قاعدين والتلفون نوقز...هزت ام عمر ..ألو !! وجها تقلب ودخلت بعضها وصاحت فرد صيحة ... حليمة قامت تجري وعمر وبو عمر...شفمة شبيك شكون كلمك.. ام عمر: حليمة بنتي ... حليمة : شفمة طاطا تكلم عيشك !! ام عمر : امك وبوك وهوما جايبن يهزوك في الثنية عملو accident ... حليمة قامت تبكي وتصيح .. ام عمر: ماتخافش عيش بنتي ماتخافش هام في السبيطار .. بو عمر: هيا نمشي للسبيطار هيا.. عمر شادد حليمة يسكت فيها..مشاو الكل للسبيطار وصلو.. الطبيب: إنتم تقربو للمدام والمسيون الي جاونا تو !! حليمة وهي تبكي في حالة..أنا بنتهم أنا.. الطبيب: سامحونا عملنا إلي علينا أما بنتي راو بوك وامك توفاو ...أحنا عملنا الي علينا..أما حكم ربي فوق كل شي..

حليمة طاحت دايخة عل البلاصة...ام عمر تبكي وتصيح..بو عمر بقى مصدوم..أختو إلي توفات راهو ..وزيد راجلها..عمر يبكي بالشهقة..حمل حليمة..ودخلوها لبيت وعيطولها الفراملية...حليمة ليلة كاملة مركبيلها السيروم وهي باقي مافاقتش..عمر شادلها يديها..وقاعد بجنبها ويبكي ..مفيدة وعم صادق ..قاعدين البرى قدام الباب مصدومين.. جا الصباح ..دخل بو عمر وامو لقاو عمر راقد عل الكرسي حذا حليمة..وحليمة مازالت راقدة....فيقو عمر بالسياسة.. عمر: أمي حليمة لتو لافاقت ..امان عيطو لطبيب بو عمر: هاني ماشي ولدي نعيطلو.. ام عمر: حليلي ياربي على بنتي تيتمت على صغر سنها..الله يرحمهم ..الله يرحمهم.. جا الطبيب..عطا زريقة لحليمة وقاللهم لازمها تبات حذانا اليوم..وغدوة تنجمو تروحو بيها.. بو عمر: عمر ولدي انت لازمك تبقى تبات حذاها ..انا وامك لازمنا نمشيو نخرجو عمتك وراجل عمتك ونعملو الدفينة..كلمت ولدهم أمين قلي باش ياخو الطيارة ويجي..راهو وصل تو.. ام عمر: رد بالك عليها عيش ولدي..خلي احنا نمشيو .. عمر: باهي ..وعينيه بالدموع.. مشاو بوه وامو..وعمر بقا حذا حليمة..جا أمين خو حليمة..ميت في حالة مسكين..غايضتو روحو كي ماخلطش على بوه وامو حيين .. عملو الدفينة ..وبعد مشى أمين للسبيطار باش يشوف أختو..هي الي بقاتلو من الدنيا وهو الي بقالها من الدنيا... دخل لقا عمر حذاها في الكرسي ..سلم عليه..وقلو عمر البركة فيك خويا..وترمى في حضن أختو..يبكي بالشهقة.. عمر: ربي حبهم الله غالب ..إدعيلهم بالرحمة ...ربي يصبركم انتي وحليمة... أمين محمل أختو ويبكي كيف الولية عمر: يزي عيش خويا ..الله يرحمهم..هاو الطبيب قال غدوة الصباح نخرجوها حليمة أمين: عيش خويا عمر برى روح إرتاح ..راك تعبت..تو نبات انا الليلة حذا حليمة .. عمر: هاني بايت معاك مايسالش أمين: باهي عيش خويا... في الصباح فاقت حليمة..وروحو بيها لدار خالها..مسكينة مصدومة..كلمة مانطقتهاش..راقدة في الفرش وخوها محملها وعمر وبوه وامو بجنبهم ..والناس الكل ساكتين.. ام عمر: أمين عيش ولدي هيا نخرجو نخليو حليمة ترتاح. أمين: باهي طاطا.. خرجو الناس الكل ..ومشاو قعدو في الصالة.. أمين: خالي..طاطا أمي وبابا الله يرحمهم ..حليمة مابقالها كان أنا ...باش نستنى لين تقوملنا لاباس إن شاء الله ونهزها معايا لفرنسا..

تحسنت حالت حليمة...وفاقت..تفاهم أمين مع خالها ومرت خالها باش يهزها معاه لفرنسا... أمين: حليمة الحمد لله على سلامتك أختي..هيا عيش اختي حظرلي روحك باش نهزك معايا.. حليمة: وين باش نمشي معاك !! أمين: لفرانسا عزيزتي...مانجم نخليك وحدك هناء انا ... حليمة: لا أمين مانجمش نبعد على ريحت أمي وبابا أنا..مانجمش نمشي ونخليهم...وقامت تبكي أمين: حليمة عيش أختي لازم نهزك معايا..لشكون باش نخلبك انا...وزيد امي وبابا الله يرحمهم توفاو..توة هوما عند ربي..وعينيه بالدموع.. حليمة: أمين انا مانجمش نبقى مانزورش امي وبابا في قبرهم..صحيح هوما مشاو عند ربي...اما انا مازلت نحس بيهم خذايا... أمين: عيش أختي حليمة..يهديك ربي...انا مانجمش نمشي غادي ونخليك هنا وحدك...كيفاه باش نتهنى عليك وانا في بر وانت في بر !!! حليمة: أمين قتلم مانخليش ريحة بابا وامي ونمشي ...ورجعت تبكي... تكلم بو عمر: شو أمين عيش ولدي..حليمة هاك شفت مازالت تحت للصدمة وصحتها ماهيش مريڨلة..وزيد كيف تهزها معاك انت تخدم غادي وهي شكون باش يتلاها بيها.. !!! صعيب انك توفق بين خدمتك وبين اللهوة بحليمة...وزيد ماعادش تقوللها لسكون باش نخليك هنا....واحنا فاش نعملو !! حليمة هاكي بنتي من قبل ميش من تو...طاطاك مفيدة تحبها كيف بنتها واكثر...وعمر زادة يحبها...ديجا انتم التلاثة متربين وكبرتو مع بعضكم... ام عمر: إي عيش ولدي..عمك الصادق عندو الحق..ماتخافش عليها حليمة هاكي بنتي...برى انت ارجع لخدمتك على روحك..وحليمة في عينينا وكي تتوحشك أبعثلها تمشي حذاك تعدي أيامات...واحنا تا نتلهاو بيها وترجع تقرى في الجامعة وماتخاف عليها من شي...انا امها وعمك صادق بوها...

رجع أمين لفرانسا..وبقات حليمة حذا دار خالها..ام عمر خذات كونجي وبقات بجنب حليمة هي وعمر..متلاهين بيها ويساعدو فيها...حليمة كل ليلة تقوم تصيح مفجوعة..ام عمر ولات تبات حذاها...تعداو الايامات وتحسنت حليمة اكثر ..ام عمر رجعت تبات في بيتها... ليلة حليمة تعبت علخر..وحلمت حلمة خايبة..قامت مفجوعة وصاحت...سمعها عمر..مشالها يجري..حملها بالقوي عمر: حليمة حبي سملة عليك سملة عليك..خو شربة ماء عيش حبي..سملة عليك اللطف على عليك ياكبيدة..راك غالية راك الحب راك الدنيا بجودها...الصبر الصبر باهي ب ياحبي..وماتخافش انا معاك عمري مانخليك..

حليمة تبكي وترعش وتقول وينك ياميمتي لشكون خليتني..وينك يابابا ياغالي توحشت ريحتك..وعمر محملها ويبكي معاها...بقى حذاها لين هزها النوم..مددها فوق الفرش وغطاها مليح وباسها من خدها وطفى الضوء وسكر الباب بالشوي وخرج.. في الصباح قام عمر مشى طول لبيت حليمة..حل الباب بالشوي..طل عليها..لقاها راقدة..سكر الباب وهبط لوطة..لقى أمو وبوه يفطرو.. أمو: صباح الخير ولدي عمر: نهارك زين امي...نهارك زين بابا.. أمو: أبقى ولدي أفطر عمر: حليمة البارح قامت تصيح في الليل.. أمو: سملة على بنتي...أنا بالزهر البارح مارقدتش حذاها عمر: تهنى أني مشيتلها انا عطيطها شربة ماء ورقدت . بوه: ربي يصبرها بنيتي ...

أمو: عمر عيش ولدي أنا اليوم راجعة نخدم كهو الكونجي وفا..رد بالك على حليمة عيش ولدي ..تهنى أمي هاني معاها...خرجت أمو وبوه مشاو يخدمو.. وعمر حظر فطور حليمة..حطهولها في طبق وطلعلها لبيتها..لقاها مازالت راقدة...حط الطبق على جنب وبدى يفيق فيها... عمر: حلومتي فيق يزي من النوم عيش حبي..حلومتي ..هيا هاني جبتلك الفطور للفرش ..هيا يادللولة عمر فيق عيشلي روحي.. حليمة فاقت عينيها منفخين بالبكاء .. حليمة: صباح الخير عمر: صباح الحب والعشق والورد والفل والياسمين ياروحي.. حليمة: توحشت أمي توحشت بابا

عمر حملها ..إدعيلهم بالرحمة ياحبيبي... بقاو درج ككا.. عمر: حبيبي هيا كول حاجة عيشلي حبي.. عمر: لا عادة هكا نتغشش عليك أنا..عيشلي بايبي الصغرون ..هيا كول من عندي..وبدى يوكل فيها من بيديه..كمل فطرها وقلها حليمة حبي هيا قوم حظر روحك خلي نعمل بيك دورة.. تبدل شوية جو.. حليمة: باهي عمر باسها من خدها وهز الطبق وخرج... حظرت حليمة روحها وهبطتت اللوطة لقات عمر لابس وحاظر ..خرجو بالكرهبة..هزها فرهدها ..وفطرو البرى ومشاو تفرجو في فيلم..وروحو...حليمة صحيح تفرهدت اما ماعندهاش goût لحتى شي..خرجت باش تبدل شوية الجو وكهو...اما امها وبوها مافرقوش مخها وقلبها...وصلو للدار دخلو..قعدو في الصالة.. عمر: حلومتي شبيه حبي هو يخمم !! حليمة: توحشتهم ياعمر توحشتهم والله..وقامت تبكي..

حملها عمر وولا يبكي معاها.. عمر يهز حليمة كل صباح للفاك ..وبعد يتعدى يخدم...ولعشية يتعدالها يروح بيها ..كل يوم كما لانهار خلاها وحدها..بوه وامو ماهمش مخلينها ناقصة حاجة..محسينها انها بنتهم ولا اكثر..جات الصلاعة اللولة متع القراية ..كلم أمين خو حليمة خالو ..قلو هاني باش نبعث لحليمة تجي حذايا..تعدي الصلاعة تبدل شوية جو..خالو قله اي ولدي والله فكرة في وقتها...حليمة لتو حاسة على بوك وامك...

كي روح خالها لدار قال لحليمة ..قتلو باهي غدوة نحظر روحي وناخو الطيارة ونمشي حذاه حتى انا توحشتو...هو الي بقالي من ريحة امي وبابا.. مشاو الناس الكل رقدو..عمر في بيتو متقلق علخر كيفاه حليمة باش تخليه وتمشي...ستانس بيها ..يحبها موش نرمال..صبر صبر وقام مشالها لبيتها..دق الباب.. حليمة: أدخل.. دخل عمر لقاها تحظر في الفاليز متاعها.. حليمة بعدت الفاليز من يدها ومشاتلو..وقفت قدامو..لصقتو وغزرتلو في عينيه...حبيبي باش نعدي جمعة ونجي..مانجمش نخليك وحدك تعرفني قداه نحبك...وعنقتو بالقوي..هي تبكي وعمر يبكي

وحشك موت ياكبيدة حليمة: تا يتعداو فيسع الايامات ونجي لحبيبي. سافرت حليمة..وبقى عمر اكا حدو عليها..تعداو جمعتين وهوما كل يوم قدام بعضهم بالسكايب..ماينجموش يعيشو نهار من غير مايشوفو بعضهم.. حليمة تفردت بالڨدا حذا خوها..ماخلى ماعمللها..حوس بيها وفرهدها وعوضلها شوي..وفات الصلاعة..ورجعت حليمة لتونس..جات من غير ماقالت لعمر..روحت ودخلت لدار مالقات حد اللوطة..خالها ومرت خالها كل العادة يخدمو..نهارتها ريح ومطر مش نرمال والدنيا باردة برشة..طلعت حليمة الفوق..حطت فاليزها وبدلت حوايجها ومشات لبيت عمر..حلت الباب بالشوية لقاتو راقد..دخلت وسكرت الباب..مشات حذاه ..بقات بجنبو ..بدات تلعبلو بشعرو وتغزرلو وهو راقد وتعشق فيه وتتبسم..قربتلو وباستو من خدو..عمر تفجع قام..حل عينيه وهو موش مصدق..

عمر: حليمة !!! لا انا نحلم !! حليمةلا حبيبي ماكش تحلم انا جيت وقاعدة حذاك عمر: شبيك ماقتليش راني عرضتك في المطار !! حليمة: حبيت نعملك surprise عمر حملها بالقوي وقلها يامهبولة..وقامو الزوز يضحكو.. عمر: قداش توحشتك ياحبيبي حليمة: كان تشوف انا والله توحشتك برشة.. الرعد والبرق البرى مش نرمال والدنيا باردة برشة..عمر دخل حليمة تحت الكوفيرتة .. عمر: إيجا عندي حبيبي إيجا.. حليمة وهي تضحك: يامهبول ههه دخلو الزوز تحت الكوفيرتة..معنقين بعضهم.. بقاو ككا بوس وحب وتعنيق .حليمة: عمر !!عمر: روحو هي !!حليمة: هيا نهبطو ناكلو حاجة انا جعت..وزيد خالي وطاطا عدك بيهم روحو..عمر: باهي حبي هيا..حليمة جات باش تقوم وهو ينڨز يجي فوقها..شبيه مزروب هو !!حليمة: ههه يامهبول قوم راني جيعانة..عمر: انا بحذاك وانت جيعانة !!حليمة: ههه حبيبي يامهبول نحبك ونموت فيك..عمر باسها من رقبتها ..وقام..عمر: هيا حبيبي قوم ناكلو حاجة ..لاتكلي راسي انت !! هههحليمة ضربتو على صدرو..وهو باسها من جبينها وحملها وهبطو..مالقاوش ماكلة في الكوجينة.غزرو لبعضهم ..عمر: من غير ماتغزرلي انا الكوجينة والتطييب مانشم منهم شي..حليمة: وأنا كعبة لا في الحديقة باء ههههعمر: سعدي بيك وسعدي بيك..مالا كيف نعرسو نموتو بالشر على حسابك هذاوطرشقو الزوز بالضحك..عمر: اي شعملنا تو !!حليمة: انا جيعانة.. عمر: إيجا حبيبي كول راسي..ككا إنت تشبع وانا نرتاح هههحليمة: اللطف على راسك ياعمري..عمر: شو حبيبي هيا نطلعو نبدلو حوايجنا ونتعشاو البرى..وفرد مرة نجيبو في يدينا عشاء لامي وبابا..حليمة: ياا جو هيا حبيبيطلعو بدلو حوايجهم ..لبسو كبابط خاطر الدنيا باردة وخرجو..

شاء فينو...كلاو لين شبعو..برشة حب وبرشة ضحك..كملو وخرجو..مشاو للكرهبة..عمر تلفونو نوقز.. ألو .. أمو: وينك عمر روحنا مالقيناكش.. عمر: ماني جاي امي ..هاكي حليمة المهبولة روحت من فرنسا من غير ماقالت لحد..هاني هزيتها تعشينا البرى وهانا مروحين.. أمو: يامرحبا ببنتي..هيا روحو هانا نستناو فيكم. عمر: هانا جبنالكم عشاء في يدينا ماغير ماتطيب تو.. أمو: باهي عيشلي ولدي..ردو بالكم على رواحكم في الكياس .. عمر: تهنى أمي .. غزر عمر لحليمة..أمي تسال فيها وينك.. حليمة: يا توحشتها انا طاطا.. عمر: حتى هي توحشتك.. حليمة: هيا حبيبي نروحو ماعادش بكري.. عمر: هيا روحو ..وصلو للدار سلمت حليمة على خالها ومرت خالها..سهرو الناس الكل مع بعضهم في الصالة..وبعد مشاو الكل باش يرقدو.. حليمة لبست حوايج النوم..وجات باش ترقد وعمر حل الباب ودخل.. حليمة: فاش تعمل يامهبول !! عمر: توحشت حبيبي انا..ومشى تمد على الفرش ..ههه حليمة: يح امك وبوك معانا في الدار راهم قوم امشي لبيتك يزي بلا هبال.. عمر: امي وبابا راهم محملين بعضهم وراقدين توة...وزيد الدنيا باردة برشة ..نهون عليك نبات نتڨريس وحدي حليمة: ههه شو كي مايحشمش هو يحكي على بوه وامو !! عمر هز الكوفيرتة وتغطى..وقلها.. عمر: حبي انا الليلة بايت هنا ..أعمل الي يظهرلك

حليمة: والله زايد مهبول ..ومشات قدام المرايا تڨادي في شعرها..وتضحك عمر: محلاه هو ومحلى شعرو ..قداش نموت فيه انا.. حليمة: ربي يصبرني على هبالك ..تخيل تقوم طاطا تتفقدني في الليل !! عمر: أسكت ماتنڨش فيها انت بركة.. حليمة مشات قعدت حذاه فوق الفرش حليمة: يح ياعمر تخيلها تصير هههه تحل امك الباب تلقانا محملين بعضنا وراقدين ..هههه يح ملا حشمة .. عمر: هههه إي نورمال تقول شو محنو ولدي ..ماخلاش بنت عمتو تبات بردانا وحدها جا ونسها ههههه حليمة : هههه بربي !! زايد سلعة مهبول .. عمر جبدها ودخلها تحت الكوفيرتة..إيجا هوني قلي شكون السلعة ..وبدى يدغدغ فيها وهي ماتحملش.. حليمة: عمر يزي امانك مانحملش ههه وميتة باضحك.. عمر: شبع فيها بوس .. حاصيلو باتو الليلة هاكي مع بعضهم ..وقامو الصباح ..مشى عمر لبيتو ..وخلى حليمة راقدة..

تعداو الايامات ..حليمة رجعت تقرى وعمر يخدم على روحو..نهار من النهارات..وهو يتعشاو الناس الكل مع بعضهم..قام بو عمر تكلم.. ...حقى عمر وحليمة غدوة انا ومفيدة عدنا ضياف باش يتعشاو حذانا... عمر: شكونهم !! بوه: تابعين الخدمة.. عمر: آه باهي.. أم عمر: حليمة بنتي مايسالش تبقى غدوة ماتمشيش للفاك..باش تحظر معايا العشاء ..ضياف مهمين ولازم نحظرو كل شي مليح.. حليمة: أي طاطا على عيني وراسي..مش مشكل في القراية ..جات على نهار عادي.. أم عمر: عيشلي بنتي الغالية..برى ربي يقوي سعدك .. حليمة وعمر غزرو لبعضهم وضحكو تحت حس مس.. كملو تعشاو...من غدوة حليمة ومرت خالها في الكوجينة واحلين يحظرو في العشاء ..عمر وبوه في الخدمة..جات العشية روحو من الخدمة..لقاو الدار مزينة ومش كا العادة ..كل شي منظم ..كل شي في بلاصتو..كملو عاونوهم هوما ...كل شي حظر..الضيفان وصلو.. ام عمر: صادق برى حل الباب...وانت حليمة برى عيش بنتي بدل حوايجك..نهار الكل وانت معايا في الكوجينة... طلعت حليمة تبدل في حوايجها والجماعة دخلو ..سلم عليهم عمر...هوما صاحب بوه ومرتو ومعاهم ولدهم وبنتهم مايبعدوش في العمر برشا على عمر وحليمة..مزيانين مش نرمال..هوما قاعدين وحليمة هبطتت..لابسة روبة في النوار..وهي ماهي بيظة ..خرجت عليها تقتل..وعملت شوية مكياج وسيبت شعرها..ولد صاحب خالها تخبط فيها ملي مازالت تمشي...عمر يغزل عليها كيفاه لبست روبا ككا ...سلمت حليمة على الجماعة..وقعت في كرسي حذا الولد

بو عمر: هاذي بنتي الغالية..حليمة التحفونة ..تقرى حقوق وإن شاء الله تطلعلنا حامية ولا حتى قاضية تبارك الله على بنتي.. صاحبو: ربي يفضلهالك تبارك الله.. مرت صاحبو: إي محلاها بنتي ربي يحفضها.. قامو الناس الكل تعشاو..عشاء كامل وولد الراجل ماهزش عينو من حليمة..عمر يشهف بعينيه ويغزل بقلبو...وحليمة كالبهلولة ماهي فايقة بشي.. كملو تعشاو..قامو قعدو في بيت القعاد..بداو يحكيو على الخدمة والمشاريع...عمر قال لبوه بابا احنا خلينا نمشيو نبقاو في الصالة..نخليكم على راحتكم.. بوه: إي ولدي هز حليمة وعلي وبسمة وبراو ابقاو مع بعضكم هوكا فرصة باش تتعرفو على بعضكم.. قامو الصغار مساو للصالة وقعدو الكبار يحكيو.. عمر: أي سي علي عرفنا بروحك.. علي: اول حاجة انا فرحااان برشة الي جيت وتعرفت عليكم..وهو عينو في حليمة ماهزهاش..إي ياسيدي انا عمر 25 سنة نقرى طب ..نلعب Hand زادة ..مغروم بالموسيقى ونحب الجو.. عمر: إي آش بيه...نتشرفو.. حليمة:نتشرفو علي..انا حليمة نقرى حقوق..عمري 19 سنه.. علي: تبارك الله عليك ..ربي عاطيك من مجاميعو .. عمر قص عليهم الحديث..إي والمادموازال شتعمل في حياتك !! بسمة: انا بسمة نقرى styliste modéliste وقريب نكمل ونحل مشروع وحدي إن شاء الله وعمري 21 سنة.. عمر: نتشرفو ربي يوفقك.. علي: إي سي عمر وانت شتعمل في الدنيا !! عمر عطاه بصحكة صفرة وقالو : أنا كملت قرايتي ونخدم توة في شركة.. علي: هيا باهي رلي يعينك... علي يثبت في حليمة ويتبسم من هوني ..عمر يغزل في بلاسطو..بسمة تجبد في الحديث مع عمر بالسيف ...ظاهر عجبها حتى هيا...هههه حاصيلو طبت بعضها .

وفات السهرية ..روحو الجماعة.. طلعت حليمة لبيتها..نحات حوايجها..وشدت فرشها ..دخل عمر.. حليمة: شبيك عمر !! عمر متنرررفز علخر ...فادد وروحي طالعة حليمة: ووه شبي حبي مناش اللطف عليك... عمر: تيأل فيا بربي مناش !! مارياش اكا اللكزة علي وهو كيفاه ليلة كاملة يهز فيك ويحط...تقول يقلب في نعجة .. حليمة: ضحكت وقتلو..هههه جميلة منك هذه كي النعجة...معناها انا نعجة يابهيم.. عمر: ماهو كلو منك...لابستلي روبة باش تتطرشق من فوقك..وزيد عاملتلي ماكياج...مافمتش انا لشكون تزين...!! حليمة: عيشو هو المغيار..وزيد تعرفها لبستي ماجيتكش جديدة انا... سكت عمر...وسكتو الزووز..حليمة قربتلو وحملتو.. حليمة: حبي انا هو مايخذني منو حد .. عمر: شنية !! وصلنا للماخذة جملة !! الي يخمم يقربلك يحفر قبرو بيديه قبل.. حليمة : ههه مهبول هو وانا نحبو ونموت في هبالو...أية حبيبي برى أرقد خليني نرقد..باسها عمر من خدها وطفى الضوء وخرج.. رجعو كل العادة حليمة تقرى وعمر يخدم...نهار من النهارات وهوما يفطرو...قامت ام عمر قالت لحليمة.. ام عمر: حليمة بنتي...انت تعرفني قداه نحبك وحاسبتك كيف بنتي..وانا نحبلك كان الخير..ونحبك تعرس وتتهنى...نحبك تاخو سيد الرجال.. حليمة غزرت طول لعمر ...طاطا ههه ماوال بكري عل الحكايات هذه..حتى نكمل قرايتي.. عمر..ياكل وساكت.. ام عمر: اي بنتي نعرف مازلت وتقرى وزيد هو مكتوب..وكيف يجي حد حاشتو بيك !! نسكرو في وجهو الباب أحنا !! ماو نشوفو بالك يكون مكتوبك.. حليمة: علاه طاطا فمة شكون قلك عليا !!! بو عمر: إي بنتي تكلم عليك علي ..ولد صاحبنا الي جاو تعشاو حذانا المرة اللخرة... عمر شرق وهو ياكل من كثر الفجعة..

حليمة دخلت بعضها مسكينة ..عمر مسح وفمو وتلفت لبوه.. عمر: علي !!! يخطب في حليمة !!! لا لا يبابا حليمة ماهيش متع ماخذة ومازالت صغيرة وحتى تكمل قرايتها... بوه: عمر شبيك هبلت !! هذا مكتوبها الطفلة وزيد علي مافيه مايتعيب.. عمر: شوف بابا ..شو امي ...حليمة ماهيش واخذت حد غيري...انا نحبها وهي تحبني...وزيد ماعمرو باش يفرقنا على بعضنا حد...قلو علي ولا شكونو... امو وبوه بقاه باهتين...مالقاو مايقولو...حليمة مطبسة راسها..ميتة بالحشمة...مالقات ماتقول... ام عمر: تحكي بجدك عيش ولدي !! عمر: إي يامي...احنا نحبو بعضنا..خبينا عليكم قلنا تاو نقولولكم في الوقت المناسب...وتوة كيف ولا فيها علي وخطبة وماخذة...لازمني نتكلم...وحليمة ماناخوها كان انا ... ام عمر: والله بهتوني ياوليدي ..شخص أيامي انا حليمة تولي كنتي...اما انا ماكنتش نتصور فمة حاحة بيناتكم... عمر: هاكم عرفتو ملا.. حاصيلو بوه وامو تصدمو ملول اما في نفس الوقت فرحو خاطرهم يحبو حليمة برشة...ويتمناو تكون مرت ولدهم.. تخرجت حليمة وعملو خطبة هي وعمر...وفرحو الناس الكل..حددو موعد العرس بعد عام..قرب العرس..حليمة خايفة وفرحانة في نفس الوقت..عمر فرحان برشة الي حليمة واخيرا باش تولي حلالو..بوه وامو يحظرو للعرس وفرحانين...جا نهارت العرس...عملولهم حفلة ماصارتش...الناس الكل جاو يهنيو ...أمين خو حليمة جا من فرنسا..فرح لأختو ..شطحو وفرحو الناس الكل...وفات السهرية..روحو العباد ...عمر هز مرتو ومشاو للوتيل ..امو وبوه روحو لدارهم ...أمين روح بات في دار امو وبوه..عاشت حليمة مع عمر في العز..جابتلو بنوتة عسلة كيفهم هوما الزوز...ملات عليهم الدار.. ------------------------------------------- وفااااااااااات وفاااااااااااااااااااااااااات